为怎样看到你可爱的笑容 就亲像一阵温暖的春风
风吹来清花香 望你来疼惜 这是阮放在心中的愿望
是不是今日天气太反常 心内的话却不敢对你讲
你叫我免歹势 阮听你讲笑话 这青春真美丽
爱情会使人快乐 有好心情
就有好天气 路边的花也笑嘻嘻
作伙感受 这好天气
只要有你 惦在阮的身边
期待你用心体会 轻轻松松
就有好天气 手牵手走过田野边
作伙感受 这好天气
只要有你 惦在阮的身边
风吹来清花香 望你来疼惜 阮听你讲笑话 这青春真美丽
------------------------------------------
6040/《好天气》Hó Thinn-khì
曹雅雯Tsô Ngá-bûn
为怎样
uī tsuánn-iūnn
看着你可爱的笑容
khuànn-tio̍h lí khó-ài ê tshiò-iông
就亲像
tiō tshin-tshiūnn
一阵温暖的春风
tsi̍t-tsūn un-luán ê tshun-hong
风吹来清花芳
hong tshue lâi tshing hue-phang
望你来疼惜
bāng lí lâi thiànn-sioh
这是阮囥在心中的愿望
tse sī gún khǹg tsāi sim-tiong ê guān-bōng
是毋是
sī-m̄-sī
今日天气太反常
kim-ji̍t thinn-khì thài huán-siông
心内的话
sim-lāi ê uē
煞毋敢对你讲
suah m̄-kánn tuì lí kóng
你叫我免歹势
lí kiò guá bián pháinn-sè
阮听你讲笑话
gún thiann lí kóng tshiò-uē
这青春真美丽
tse tshing-tshun tsin bí-lē
爱情会使人快乐
ài-tsîng ē sú-lâng khuài-lo̍k
有好心情
ū hó sim-tsîng
就有好天气
tiō ū hó thinn-khì
路边的花嘛笑嘻嘻
lōo-pinn ê hue mā tshiò hi-hi
做伙感受这好天气
tsuè-hué kám-siū tse hó thinn-khì
只要有你
tsí-iàu ū lí
踮在阮的身边
tsiàm-tsāi gún ê sin-pinn
---
期待你用心体会
kî-thāi lí iōng-sim thé-huē
轻轻松松
khin-khin-sang-sang
就有好天气
tiō ū hó thinn-khì
手牵手
tshiú khan-tshiú
行过田岸边
kiânn kuè tshân-huānn pinn
做伙感受这好天气
tsuè-hué kám-siū tse hó thinn-khì
只要有你
tsí-iàu ū lí
踮在阮的身边
tsiàm-tsāi gún ê sin-pinn
风吹来清花芳
hong tshue lâi tshing hue-phang
望你来疼惜
bāng lí lâi thiànn-sioh
阮听你讲笑话
gún thiann lí kóng tshiò-uē
这青春真美丽
tse tshing-tshun tsin bí-lē
好天气