怀念的夜城市

一时思慕早前初恋彼个人，
无疑阮颠倒来加添心苦痛，
看看异乡无伴项乎阮心轻松
总是祈祷妳幸福万是照希望
再会呀再会呀初恋彼个人
再会呀再会呀无缘的恋梦

一生宝贵青春为伊来牺牲，
枉费阮为情爱消磨着心情，
看看异乡日头落秋风冷像冰，
脚酸手软头犁犁行到车头前，
再会呀再会啦，想有啥路用，
再会呀再会啦，何必心未清。

一声火车水螺引阮心酸悲，
月娘也在天边伴阮心稀微，
看看异乡无欢迎痴情的男儿
孤单坐在尾班的夜行车窗边
再会呀再会呀何必珠泪滴
再会呀再会呀怀念的城市

------------------------------------------

《怀念的夜城市》Huâi-liām ê Iā-ke-tshī
洪一峰Âng It-hong

一时思慕
it-sî su-bōo
早前初恋彼个人
tsá-tsîng tshoo-luân hit ē lâng
无疑阮颠倒来
bô-gî gún tian-tò lâi
加添心苦痛
ka-thiam sim khóo-thàng
看看异乡
khuànn-khuànn ī-hiong
无半项予阮心轻松
bô-puànn-hāng hōo gún sim khin-sang
总是祈祷
tsóng-sī kî-tó
你幸福万事照希望
lí hīng-hok bān-sū tsiàu hi-bāng
再会啊再会啊
tsài-huē--ah tsài-huē--lah
初恋彼个人
tshoo-luân hit ē lâng
再会啦再会啦
tsài-huē--lah tsài-huē--lah
无缘的恋梦
bô-iân ê luân-bāng

一生宝贵青春
it-sing pó-kuì tshing-tshun
为伊来牺牲
uī i lâi hi-sing
枉费来为情爱
óng-huì lâi uī tsîng-ài
消磨着心情
siau-môo tio̍h sim-tsîng
看看异乡日头落
khuànn-khuànn ī-hiong ji̍t-thâu lo̍h
秋风冷像冰
tshiu-hong líng tshiūnn ping
跤酸手软头犁犁
kha-sng-tshiú-nńg thâu luê-luê
行到车头前
kiânn kàu tshia-thâu tsîng
再会啊再会啊
tsài-huē--ah tsài-huē--lah
想有啥路用
siūnn ū siánn lōo-īng
再会啦再会啦
tsài-huē--lah tsài-huē--lah
何必心袂清
hô-pit sim buē tshing

一声火车水螺
tsi̍t-siann hué-tshia tsuí-lê
引阮心酸悲
ín gún sim sng-pi
月娘也在天边
ge̍h-niû iā tsāi thinn-pinn
伴阮心稀微
phuānn gún sim hi-bî
看看异乡
khuànn-khuànn ī-hiong
无欢迎痴情的男儿
bô huan-gîng tshi-tsîng ê lâm-jî
孤单坐在
koo-tuann tsē tsāi
尾帮的夜行车窗边
bé-pang ê iā-hîng-tshia thang-pinn
再会啊再会啊
tsài-huē--ah tsài-huē--ah
何必珠泪滴
hô-pit tsu-luī tih
再会啦再会啦
tsài-huē--lah tsài-huē--lah
怀念的城市
huâi-liām ê siânn-tshī