不知不觉

作词：新青年理发厅
作曲：新青年理发厅
编曲：新青年理发厅

每晚瞓觉都会较十个闹钟的我 每隔十分钟一个
就算头几个比我㩒熄左 仲有后面果几个帮拖
为何起身果下 心里就像在打仗
惨过受情伤 当我个闹钟一响

响 响左几下无乜知觉 挞系床上就似中枪
响 响左几下就当伴奏 人仍然在梦里卖唱
响 响多几下不知不觉翻瞓感觉兴奋似中奖
响 起身果下知道濑野后悔 但明天又照常

第十个闹钟终于将我从梦境中解封
我双眼放空 明明灵魂醒左个身似中风
好彩我换衫出门 唔洗两分钟
一路跑一路谂定今次有咩苦衷
仲有时间睇下先 家阵两点半到
如果好彩有巴士 随时早过班友仔到
所以我分外焦急 沿路连女都唔𥄫
马路旁边有个栏杆两米高
我左手一㩒右脚一un 轻轻一腾
就系果半秒里面我思考人生

每晚瞓觉都会对着自己讲一次 由听朝起开始改变
就将个闹钟放正系耳边 为何每晚都有点相似
然后钟声响遍 始终都改变不了
这故事重演 真与梦只差一点

响 响左几下无乜知觉 挞系床上就似中枪
响 响左几下就当伴奏 人仍然在梦里卖唱
响 响多几下不知不觉翻瞓感觉兴奋似中奖
响 起身果下知道濑野后悔 但明天又照常

最后我上唔到架巴士 但系我食住个势
点都要改变 今次我不顾一切
所以我即刻转身一跑进入左无人之境
双脚踏空似匹马 系大草原度驰骋
原来无野咁难 咁就到左铜锣湾
我喘晒气企响原地 微微地一笑
整个城市既人都为我用力咁尖叫
拎起只表 全世界停顿 我享受停顿一秒
老妈子应该会好自豪生左我咁样既仔
因为今次唔单止准时 仲系最早到果位

突然之间有度强光直射 我一双眼睛
咦 点解咁似我部电话既铃声