J'ai mon cuer mis

J’ai mon cuer mis de tres loyale amour
En une gente et gracieuse flour
Jeune plaisante gaie noble jolie
Pour la bonte qu’en elle et l’honnour
Mais orques mais ne ferai chiere lye
Tant que serai lors de sa douce odour
Car elle est tout mon souverain désir
mon bien ma joie et mon parfait plaisir
mon seul confort et ma seule pensee
Qui peut mon cher faire tost resjoir
et mon grief mal parfaitement garir
par sa atraiture qu’ai fort desiree
Et fort désir purement nuit et jour
Plus qu’ autre rien vraiment sans séjour
si sais de vrai que n‘ aurai douce vie
En tout le temps que celle que j’aour
Me soit lointaine ains par mélancolie
Souvent dirai par tres grieve delour.
J’ai mon cuer mis de tres loyale amour
En une gente et gracieuse flour
Jeune plaisante gaie noble jolie