男儿哀歌

作词：叶俊麟
作曲：洪一峰

船螺声音交响着酒场小吹声

港都又是船入港回复欢乐影

酒是不倒来吗　无醉我不行

你我干杯惊什么何必著来惊

你甲我不过是同款的运命

吉他哀调提醒我满腹的恨火

旧情何必再想起已经不重回

曲是不奏来吗　随便无问题

你我合唱唱什么你唱我就跟

你甲我趁今宵　尽量开心花

酒女面容那亲像可爱冤仇人

酒场归暝闹无停迷醉人幻梦

你是不偎来吗　要送我出帆

你我干杯笑什么何必带苦痛

你甲我爱轻松　互相知轻重

------------------------------------------

《男儿哀歌》Lâm-jî Ai-kua
洪一峰Âng It-hong

船螺声音交响着
tsûn-lê siann-im kau-hióng tio̍h
酒场小吹声
tsiú-tiûnn sió-tshe siann
港都又是船入港
káng-too iū sī tsûn ji̍p-káng
回复欢乐影
huê-ho̍k huan-lo̍k iánn
酒是毋倒来吗？
tsiú sī m̄ tò--lâi mah?
无醉我毋行
bô tsuì guá m̄-kiânn
你我干杯惊啥物
lí guá kan-pue kiann siánn-mi̍h
何必著来惊
hô-pit tio̍h lâi kiann
你佮我不过是
lí kah guá put-kò sī
仝款的运命
kāng-khuán ê ūn-miā

吉他哀调提醒我
gì-tah ai-tiāu thê-tshínn guá
满腹的恨火
muá-pak ê hūn-hé
旧情哪著再想起
kū-tsîng ná tio̍h tsài siūnn khí
已经不重回
í-king put tiông-huê
曲是毋奏来吗？
khik sī m̄ tsàu--lâi-mah?
随便无问题
suî-piān bô būn-tuê
你我合唱唱啥物
lí guá ha̍h-tshiùnn tshiùnn siánn-mi̍h
你唱我就缀
lí tshiùnn guá tsiū tè
你佮我趁今宵
lí kah guá thàn kim-siau
尽量开心花
tsīn-liōng khui sim-hue

酒女面容若亲像
tsiú-lú bīn-iông ná-tshin-tshiūnn
可爱冤仇人
khó-ài uan-siû-lâng
酒场规暝闹无停
tsiú-tiûnn kui-mî nāu bô-thîng
迷醉人幻梦
bê-tsuì lâng huàn-bāng
你是毋倚来吗？
lí sī m̄ uá--lâi mah?
欲送我出帆
beh sàng guá tshut-phâng
你我干杯笑啥物
lí guá kan-pue tshiò siánn-mi̍h
何必带苦痛
hô-pit tài khóo-thàng
你佮我爱轻松
lí kah guá ài khin-sang
互相知轻重
hōo-siong tsai-khin-tāng