作词：叶俊麟
人生的青春味 仿佛在梦里
欣慕著糖甘蜜甜 快乐情绵绵
可比一蕊蔷薇花 开在蝴蝶的身边
恋恋不舍心欢喜 甘蜜的蔷薇
甘蜜的蔷薇 永远不愿离开你
清风的好情意 摇动白蔷薇
宛然是纯情少女 新鲜白粉味
假使男性当青春 抱着热情的当时
谁人袂来思慕伊 纯情的蔷薇
纯情的蔷薇 永远不愿离开你
窗边的雨水滴 渥著红蔷薇
加添著高尚香味 飘满了四边
亲像情火热红红 配合一点的润味
深深刻在阮心边 粉红的蔷薇
粉红的蔷薇 永远不愿离开你
------------------------------------------
《可爱的蔷薇》Khó-ài ê Tshiûnn-bî
吴晋淮Ngôo Tsìn-huâi
人生的青春味
jîn-sing ê tshing-tshun bī
仿佛在梦里
hóng-hut tsāi bāng-lí
欣慕著糖甘蜜甜
him-bōo tio̍h thn̂g-kam-bi̍t-tinn
快乐情绵绵
khuài-lo̍k tsîng mî-mî
可比一蕊蔷薇花
khó-pí tsi̍t-luí tshiûnn-bî-hue
开在蝴蝶的身边
khui tsāi ôo-tia̍p ê sin-pinn
恋恋不舍心欢喜
luân-luân put-siá sim huann-hí
甘蜜的蔷薇
kam-bi̍t ê tshiûnn-bî
甘蜜的蔷薇
kam-bi̍t ê tshiûnn-bî
永远毋愿离开你
íng-uán m̄-guān lī-khui lí
清风的好情意
tshing-hong ê hó tsîng-ì
摇动白蔷薇
iô-tāng pe̍h tshiûnn-bî
宛然是纯情少女
uán-jiân sī sûn-tsîng siàu-lú
新鲜白粉味
sin-sian pe̍h-hún bī
假使男性当青春
ká-sú lâm-sìng tng tshing-tshun
抱着热情的当时
phāu tio̍h jia̍t-tsîng ê tong-sî
啥人袂来思慕伊
siánn-lâng buē lâi su-bōo i
纯情的蔷薇
sûn-tsîng ê tshiûnn-bî
纯情的蔷薇
sûn-tsîng ê tshiûnn-bî
永远毋愿离开你
íng-uán m̄-guān lī-khui lí
窗边的雨水滴
thang-pinn ê hōo-tsuí tih
沃著红蔷薇
ak tio̍h âng tshiûnn-bî
加添著高尚芳味
ka-thiam tio̍h ko-sióng phang-bī
飘满了四边
phiau buán liáu sì-pinn
亲像情火热红红
tshin-tshiūnn tsîng-hé jia̍t âng-âng
配合一点的润味
phuè-ha̍p tsi̍t-tiám ê jūn bī
深深刻在阮心边
tshim-tshim khik tsāi gún sim-pinn
粉红的蔷薇
hún-âng ê tshiûnn-bî
粉红的蔷薇
hún-âng ê tshiûnn-bî
永远毋愿离开你
íng-uán m̄-guān lī-khui lí
可爱的蔷薇