MC仁 - 香港空氣

現在系調查員一號嘅現場報導
現在呢度系中環空氣監測站
德輔道中遮打道路口
個個唔係亂衝就係亂走
想搵個人停低問嘢都幾難攪
嗱宜家大家面前呢一位著住一件心口上面
印住綠色和平大大隻四個字
嘅大隻後生仔又睇佢系點睇
唔好意思先生而家問番你幾個有關
香港空氣污染嘅簡單問題
陣間你照直答就啱唔需要擔心
啲問題太深會過唔到關會答得唔夠好
會答得唔夠班答得唔啱答錯又無得掹
唔駛諗咁多請你準備好聽住我數
123 anytime
我問你香港嘅空氣似系乜嘢味道？
香港嘅空氣屬於乜嘢質數？
空氣質數指標所指嘅系乜嘢數？
環保嘅政府佢地系點樣計數？
點解佢哋計數計到好似呃細路？
點解永遠合格呢度明明係好大霧？
點解廿年來計法一啲都無變到？
無話需要檢討一於當無到？
大家無須擔心一於繼續行路
最好行既嘅度呢度系行政主導
跟住個世界既計法咪日日唔合格
條街唔適合人企係到口擘擘
條街唔行得人嘅話咁我哋點發達？
香港嘅空氣最好系銀紙味道
你去到邊度問人個個都會咁答
揞住個鼻你先好過馬路…
香港嘅空氣就係呢個味道…
知道真相你就知道味道…
香港嘅空氣就似係呢個味道…
香港嘅空氣系乜嘢顏色？
知道真相我哋就知道顏色
香港嘅天空點樣回到藍色？
知道真相我地就知道顏色
現在系調查員二號企響大帽山頂報導
退一步現場我哋海闊天空
響呢一度又對香港嘅天空發出一堆問號
順便對香港嘅空氣做一個顏色分析
我哋熟悉嘅天空係咪應該系藍色？
山系綠色土地系黃色？
係為左乜嘢目的？
一條乜嘢嘅增值程式？
呢度嘅景色被不斷建設同變色慢慢變色晚晚激光錶演
漫漫無目的
系海港嘅霧入面充斥著無色污漬？
我問你香港既天空似系乜嘢顏色？
香港城巿景色又係用乜嘢裝飾？
用乜嘢方式堆砌？
加快攻勢不顧一切
用最短時間將一切公諸於世
一切發展計劃若係虛偽假大空
咁攪呢壇大戲
就為左響大人領功？
一切為了功利
一切在所不計
最後犧牲嘅系我哋嘅空氣
同大家個肺