作詞：郭婷筠
作曲：許明杰
編曲：蔡科俊
聽到你的聲音就予我溫暖入心
看到你的笑容就予我加倍支持
茫茫人海緣份將咱捒做堆
因為有你陪伴咱做夥行過苦澀酸甜
青春短短並無幾年有啥物願望就去追
人生袂閣對頭開始莫留遺憾著把握時機
路就愛自己行就愛認真骨力去拍拼
拄著困難毋免驚我知影有你咧陪我
疼就愛家己擔勇敢面對所有的變化
毋管結局會按怎無論輸贏繼續行
18300/《路愛繼續行》Lōo Ài Kè-sio̍k Kiânn
郭婷筠Kueh Tîng-ûn
聽著你的聲音
thiann-tio̍h lí ê siann-im
就予我溫暖入心
tiō hōo guá un-luán ji̍p-sim
看著你的笑容
khuànn-tio̍h lí ê tshiò-iông
就予我加倍支持
tiō hōo guá ka-puē tsi-tshî
茫茫人海
bâng-bâng jîn-hái
緣份將咱捒做堆
iân-hūn tsiong lán sak tsuè-tui
因為有你陪伴
in-uī ū lí puê-phuānn
咱做夥行過苦澀酸甜
lán tsò-hué kiânn kuè khóo-siap sng-tinn
青春短短並無幾年
tshing-tshun té-té pīng bô kuí-nî
有啥物願望著去追
ū siánn-mih guān-bāng tio̍h khì tui
人生袂閣對頭開始
jîn-sing buē koh tuì-thâu khai-sí
莫留遺憾
mài lâu uî- hām
著把握時機
tio̍h pá-ak sî-ki
路著愛家己行
lōo tio̍h-ài ka-tī kiânn
著愛認真骨力
tio̍h-ài jīn-tsin kut-la̍t
去拍拼
khì phah-piànn
拄著困難毋免驚
tú-tio̍h khùn-lân m̄-bián kiann
我知影有你咧陪我
guá tsai-iánn ū lí teh puê guá
疼著愛家己擔
thiànn tio̍h-ài ka-kī tann
勇敢面對所有的變化
ióng-kám bīn-tuì sóo-ū ê piàn-huà
毋管結局會按怎
m̄-kuán kiat-kio̍k ē án-tsuánn
無論輸贏
bô-lūn su- iânn
繼續行
kè-sio̍k kiânn
路愛繼續行