가장 무정한 시간 (最無情的是時間)

<最無情的是時間>
詞, Rap: 暴斯
編曲, 混音: 鄧梓祺a.k.a. 鄧紙皮
verse1
最無情嘅係時間，每時每刻都係度示範
從積蓄變成遺產，新生兒到病患
合照只剩下美, 物是人非只缺乏你
留下嘅記憶, 只剩日記，好想幫你, 改寫日期
病床前陪護，笑容要回顧, 一眨眼功夫，雙眼變得模糊
改變你皮膚，任你再維護, 葉會落，樹會倒，鮮花會枯
親朋定愛人, 偶像同女神, 兇手或偉人, 無法逃脫嘅命運
用生死嚟制衡, 時間係最高法則貫徹絕對嘅平等
最暢通無阻嘅流動係生命中無法跨越嘅障礙
不留痕跡嘅過程不可逆嘅傷害卻正在被清晰記載
平地變成咗海, 建築拆完起完再改
眨眼瞬間十年八載, 又有幾多未來你敢期待?
當年紀越嚟越大時間會越過越快身體越過越壞恐懼感越放越大
逼到懸崖就快還債, 無解難怪難捱
時間將一切帶走，唔會交待因由, 從牽手到分手，過程稱之為溫柔
區分事物嘅新舊，不單止有恩仇, 從平地到高樓，從起點到盡頭
verse2
寵物陪伴十年依然只算匆匆再見, 情人陪你失眠更多只係過眼雲煙
係你旁邊, 互相碰見, 更多轉變可能未嚟得徹發現
逐漸改變唔只係頭髮長短, 更多衰老表現, 重視身體保健
力不從心嘅感覺出現尤其討厭, 更多容忍更低嘅底線
再都冇太衝動嘅打算, 生活節奏唔想被打亂
表面膚質改變流失嘅骨膠原, 唔存在失戀, 只怕親人失聯
光陰太過匆匆, 經過人事物林林總總
勾起回憶種種, 心事重重都知道來去兩手空空
成熟嘅代價過份離譜, 小時候聽得太多利好
最想時光退回到, 唔識睇價錢更熱衷於比武
叫講叔叔阿姨你好, 向太陽公公話早
起碼果陣未諗到, 原來人終將會入土
只打算規劃明年, 已經老化明顯, 受損部分冇得再更換零件
固定身份唔會換新嘅名片, 依然往返行程係固定地點
仲有邊個留係旁邊, 仲想見到下一個晴天
生於世上算係參加過盛宴, 結束嘅時候都叫節哀順便