作詞：如意
作曲：如意
編曲：張哲嘉
打開愛情的門扇若問您您甘有真情意
不倘雙手捧一粒香水梨煞來丟掉它的心
你甘知影伊的心伊的愛藏多深
親像你丟掉的梨仔心~ 那麼酸那麼多目屎流不停
女人的心只要一份真她若不要就像野玫瑰
雖然真多刺嘛只有刺著心不愛的伊
因為查甫人的情親像一粒洋蔥剖無心
層層來剝開只有傷心的目屎流不停
行出愛情的門扇就要珍惜世間的女人
--------------------------- ---------------
《梨仔心》Lâi-á-sim
王萊Ông Lâi
拍開愛情的門扇
phah-khui ài-tsîng ê mn̂g-sìnn
若問你
nā mn̄g lí
你敢有真情意
lí kám ū tsin tsîng-ì
毋通雙手
m̄-thang siang-tshiú
捀一粒香水梨
phâng tsi̍t-lia̍p hiong-tsuí-lâi
煞來擲捒伊的心
suah lâi tàn-sat i ê sim
你敢知影
lí kám tsai-iánn
伊的心
i ê sim
伊的愛
i ê ài
藏偌深
tshàng guā tshim
親像你擲捒的梨仔心
tshin-tshiūnn lí tàn-sat ê lâi-á-sim
遐爾酸
hiah-nī sng
遐爾濟目屎流袂停
hiah-nī tsuē ba̍k-sái lâu buē thîng
女人的心只要一份真
lú-jîn ê sim tsí-iàu tsi̍t-hūn tsin
伊若無愛
i nā bô-ài
就像野玫瑰
tiō tshiūnn iá-muî-kuì
雖然真厚刺
sui-jiân tsin kāu tshì
嘛只有鑿著心無愛的伊
mā tsí-ū tsha̍k tio̍h sim bô-ài ê i
因為查埔人的情
in-uī tsa-poo-lâng ê tsîng
親像一粒洋蔥
tshin-tshiūnn tsi̍t-lia̍p iûnn-tshang
破無心
phuà bô-sim
重重來剝開
ting-tîng lâi pak-khui
只有傷心的目屎流袂停
tsí-ū siong-sim ê ba̍k-sái lâu buē thîng
行出愛情的門扇
kiânn tshut ài-tsîng ê mn̂g-sìnn
著愛珍惜世間的女人
tio̍h-ài tin-sioh sè-kan ê lú-jîn
梨仔心