原自國語歌曲百鳥朝凰
作詞：羅寶生
作曲：嚴華
合唱：森森‧杜平
(女白)餵馬評家呀，有乜好貼士呀？
(男白)明日嘅賽事複雜啲。
(女白)我相信你一定有心水嘅。
(男白)我點知邊只贏定輸唧？
(女白)使乜秘密得咁交關呀。
(男白)畜牲好難靠得住嘅。
(女白)唔該你俾兩場連贏位我，免至我次次都鋪草皮呀。
(男白)唏！好啦，好啦，我怕左你啦，嗱，聽住喇。
(男唱)
正當熱門馬你買“高飛”，谷嘉佢擅騎“夜遊時”，
捉大冷吼嚇只“多利是”，標準嘅路程是“嘉驥”，
你提防只沸馬“靚女”，執生阿鄭棣池只“美人兒”，
衛林士騎“東方勇士”，天陰個地淋忌“真玩意”。
(女白)哎吔，你好似想靠害咁噃，啲咁嘅山埃貼士都敢俾我嘅。
(男白)嚇，咁嘅貼士都話山埃？你都蒙查查嘅，唔怕老實話俾
你聽呀，
邊個大師傅同我冇交情呀？個個馬房嘅練馬師都同我係
死黨嚟嗎，呢啲秘密貼士系佢哋俾我嘅，你千祈唔好
周圍話俾人聽添呀。
(女白)嘻嘻嘻，你好似搽左面懵膏咁噃，餵老老實實喇，究竟
係咪真？
(男白)哼！信不信由你。
(女白)聽你嘅貼士輸死人，你俾親隻隻都跑第四嘅，成日點紅
又點綠，又話識哂個班騎師，重話個個馬房都有交情，
週時車天又車地，好彩我有特別貼士啫。
(男白)咁唔該你話番俾我知喇。
(女白)嗱，聽住喇。
(女唱)
計我話今次爆只“足水”，“仙姬”“女健兒”孖“樂趣”，
串落去“益友”拖“達利”，開心嘅連贏是“真趣”，
“盈餘”梅道人最孭飛，當心阿何華跑“騄駬”。
(合唱)
“皆大歡喜”真“順利”，“威水”中獨贏就孖“樂意”。
(男白)哈哈，犀利喇，你係得嘅。
(女白)梗系喇。
烏龍馬評家