你醉我無茫

和聲：林美璊/莊惠如/謝文德
作詞：李岩修
作曲：徐嘉良
編曲：徐嘉良

冷冷都市看無人只剩著路燈點歸晚
為什麼愛人會去愛別人害阮就痛甲心茫茫

明明心情這沉重表面就驚甲這輕鬆
不通去怨天怨地怨別人乎人來看阮無夠重

愛情是你在醉我無茫清醒煞顛倒比醉卡吃力
茫茫就不知心痛是什款管太伊地震天要崩

愛情是你在醉我無茫你講你愛我手隔攬別人
原來阮愛你真正這不值愛你是第一憨的人

--------------- ---------------------------

8636/《你醉我無茫》Lí Tsuì Guá Bô Bâng
蔡秋鳳Tshuà Tshiu-hōng

冷冷都市看無人
líng-líng too-tshī khuànn-bô lâng
只䞐著路燈點規暗
tsí tshun tio̍h lōo-ting tiám kui-àm
為啥物
uī-siánn-mih
愛人會去愛別人
ài-jîn ē khì ài pa̍t-lâng
害阮就疼甲心茫茫
hāi gún tiō thiànn kah sim bâng-bâng

明明心情遮沉重
bîng-bîng sim-tsîng tsiah tîm-tāng
表面就激甲遐輕鬆
piáu-bīn tiō kik kah hiah khin-sang
毋通去怨天怨地
m̄-thang khì uàn thinn uàn tē
怨別人
uàn pa̍t-lâng
予人來看阮無夠重
hōo-lâng lâi khuànn gún bô-kàu-tāng

愛情是你咧醉我無茫
ài-tsîng sī lí teh tsuì guá bô bâng
清醒
tshing-tshínn
煞顛倒比醉較食力
suah tian-tò pí tsuì khah tsia̍h-la̍t
茫茫
bâng-bâng
就毋知心疼是啥款
tiō m̄-tsai sim thiànn sī siánn-khuán
管待伊地動天欲崩
kuán-thāi--i tē-tāng thinn beh pang

愛情是你咧醉我無茫
ài- tsîng sī lí teh tsuì guá bô bâng
你講你愛我
lí kóng lí ài guá
手閣攬別人
tshiú koh lám pa̍t-lâng
原來阮愛你
guân-lâi gún ài lí
真正遮毋值
tsin-tsiànn tsiah m̄-ta̍t
愛你
ài lí
是第一戇的人
sī tē-it gōng ê lâng