Oud Al batal

شفتك قمر طالع
وأحمر خدود فاقع
يا أحلى بنات جاري
يا فراولة الحتة

عود البنات عالي
شقلب لنا حالي
يرخص ليك الغالي
ياللي سحرتني
عود البطل ملفوف
وانا لسه ياما هشوف
جايلك و مش مكسوف
ما انتي قتلتيني

واخداني على الهادي
وجمالها مش عادي
لما بتيجي قصادي
بموت 200 مرة
محبش غير هيا
وعايزها تعيش ليا
الحب بالنية
عايزك وانتي حرة

يا شاغلة أفكاري
حسي بقى بناري
يا أحلى بنات جاري
يا فراولة الحتة
عاوزك يا بنبونتي
يا صاحبتى و بنتي
علشان أشوفك انتي
بعمل مليون خطة

الضحكة دي حكاية
سكر في كوباية
وبقولك بهوايا حبك يكفيني
شوفتك قمر طالع
و أحمر خدود فاقع
الجو لو ساقع حضنك يدفيني

·· موسيقى ··

دي ملاك ومش إنسان
أنا حضني ليكي أمان
ياحباية رمان
جيالي من الفردوس
أجمل ما تشوف العين
انتي ومفيش تانيين
مهرك ده لو ملايين
أنا هوزنك بفلوس

أحلى من الحلوين
مفيش منك اتنين
خلي قلبك يلين
و هنبقى عال العال
من الدنيا أنا هاخدك
آه من جمال خدك
هو انتي مين قدك
يا ماركة في الجمال

جيالي جيالي مبتفارقيش بالي
عايزك أم عيالي وتفضلي معايا
ياعلاج أوقات مرضي
في القلب انتي نبضي
أصرف كل قبضي
و أجيبلك بيه هدايا

الضحكة دي حكاية
سكر في كوبايه
وبقولك بهوايا حبك يكفيني
شوفتك قمر طالع
و أحمر خدود فاقع
الجو لو ساقع حضنك يدفيني