獅吼記(Live)

作詞：佚名
作曲：古曲

怨一聲來恨一聲
傍月何需立小星
莫說婦人多善妒
自是男兒太薄情呀
鶯辭柳去隨風影
驟惹酸風還未靖
花溪路徑
伏有風流兵
小冤家違背了閨房令
紫簫聲
卻伴那風月唱和兩三聲
花外去偷偷用情還有題紅詠
笑似花間蝶
又話情根乃是前定
一諾千金債要清
禁城郎夜歸未乞我饒命
為怕王郎負桂英
為免沉迷花月徑
冷落家花尋野草
莫非錦陣勝花營
我願作花魁
獨掌花權柄
願藉朱門繡戶
做一所鐵壁金屏
結柳為藩
下一度森嚴禁令

哎吔唉
未進蘭房驚雀噪
柸弓蛇影倍心驚
待我輕輕移步進蘭房
猶幸未聽閻王吆喝令呀
好彩
呀乜季常咁夜都仲未返嚟呢
返嚟你就知
哎吔死啦
入門未問榮枯事
魂斷香閨起雷霆
待我強顏端帶整衣冠
今宵苦樂都由天定呀
呀夫人
番嚟啦
夫人晚安
相公晚安呀
夫人請坐呀
相公請坐
請坐夫人呀
為夫今日應東坡之約
去踏雪游春
至令夫人呀你冷落香閨
待為夫奉上香茶一盞
聊表齊眉之敬
飲茶
哎吔呢杯茶唔應該你遞俾我飲
應該應該嘅
我話應該由嗰個女人遞俾我飲至岩
開講都有話啦嘛妾侍斟茶大婦飲
又何須你私自綢繆代小星呢
哎吔夫人
我我見你把麵一沉
嚇得我心如絮亂囉
夫人你你把青梨杖放下
待我慢慢禀上呀
季常夫呀今日蘭亭之內可有婦人在座呀
冇呀真係冇
冇冇呢
哦咁著藕色衣裳個個系邊個嚟嘅
呀這這
乜借番嚟嘅咩
夫人你唔好嬲至得㗎夫人
你聽我講啦

今日風雪漫天桃林靜
黃山小路甚孤清
有一個過路過路
嚇過路
嚇梗係有個過路姑娘驚只影
佢逃風避雪入蘭亭
係呀係呀
呀夫人真係聰明㗎係呀係呀
呢啲唔係聰明
係人之常情姐
人之常情
我冇怪錯你囉
唔緊要我慣㗎啦
請坐啦
你坐呀夫人我坐夫人
夫妻好比同林鳥
系系
歡笑原無咒罵聲呀
唔緊要呀夫人
郎君還我碧玉錢
燈前共把痴心證
玉錢
還我玉錢來
這下這
乜又藉左比人呀
哎吔夫人唔係呀
夫人哎吔夫人哎吔
碧玉錢乃物證
對夫妻有嚴重性
哎吔
今晚借碧玉作盤問
淚眼淚眼涕淚凝
怒撻冤家你盡改性
哎吔
千拜萬拜
我品德查實極端正
一心愛戀卿
待我泣訴嬌妻聽
講呀
恨我失去相思證
深深一拜拜玉娥念下情
我罵句郎無情
花間細語自有人代我偵
哎吔死啦
御賜媒錢贈情人求下聘
心酸心酸咒玉郎負了情
鞭撻力更未輕
酸風來愈勁

哎吔哎吔夫人
唔好打啦哎吔夫人
我認啦我認啦
唔好打囉我認囉呀夫人
偷一次未為多
哎吔攞命呀真係
豈有此理偷一次都仲話唔夠呀
你想偷幾多次呀
夫人一次之嘛
有啲人呀偷好多次㗎
人地系咁
哎吔
我唔準呀
夫人
錯一次猶可恕聖人皆有錯
何況艷福自天成
好有艷福咩你
花染落陽紅
薄醉禦春風亭外挑琴
頓失我矜持性
此亦走馬看花
過後不留緣份也
鶯啼春夢醒後不留形
夫人我醉中遺失了碧玉錢
且待他日索回相思證呀
你都算抵死啦你
哎吔我唔敢㗎啦夫人
你唔好嬲啦攞命呀咁鬼大枝

貼了玉金錢薄倖難否認
唔怪得話天下男兒皆賊性
偷完還要表忠誠
我妒花防草終年病
體弱何堪守禁城
剩餘都只有三分命
今宵留待與郎拼呀
唔好嬲啦夫人
常言頑石都尚點頭
點解你六年都未改你嘅風流性
哎吔哎吔夫人夫人唔好打啦
我知錯啦我知錯啦夫人唔好打啦夫人
夫人你玉手纖纖
而且打在我身就痛在你心
不如不如唔好打啦
夫人好啦嗎
你都唔止錯一次嘅啦
想我唔打你都得
咁點呀
我要你跪在柳池靜中思過到天明
又要跪呀
跪唔跪呀
跪
唔跪就打
跪跪跪
跪啦
夫人你睇下階前露濕
俾個鴛鴦枕墊下膝頭哥都得掛
欠奉跪唔跪呀
跪跪跪跪揾個地方跪先得㗎
你跪慣個到啦
凹左㗎啦跪
係呀娶老婆呀唉
我跪向花間咒罵兩聲
花也絕冇情吐
哎吔吐我添下呀
唔係呀我我我唔係吐妳呀夫人
我吐啲花之嘛
怒煞初更塑風太無情
吹花更弄影整晚未有停呸
哎吔仲話唔係呸我
唔係我唔係呸妳呀夫人
我啲風之嘛
呀咁衰㖞
成晚系咁吹
你好辯駁呀你跪啦
雨濕更值風淒露勁
嘩真係翻風添㖞
翻風好凍呀
我都要高床暖枕訓覺啦
咁我呢夫人
你慢慢跪跪到天光

唉鬼叫我背嬌妻
宿債未結清
暗中兩訂情
朦朧迷路徑
罰我跪池罪太輕
怨聲老蘇靠害人
災瘟撮合星險致斷赤繩
攪到我罰跪冷宵暗自悲孤影
愈夜就愈凍唉成日系咁罰
足足跪左六年呀跪到凹曬
真係攞命唉
我記得啦
呀東坡兄今日同我講過
佢話黃洲鄉例
立有七出之條
其中有云凡女子嫁夫
五年無所出者其夫得立偏房
倘若拒夫立妾得而休之
哼佢分明犯左七出之條
好我一於唔跪
東坡吐盡揚眉話季常回复丈夫形
待我一聲吆喝坐堂前
步入房中把威風逞
玉娥開嚟
哎吔閨中都尚未有命
你因何回房不跪呀
我以後都唔跪㗎啦嗱你聽住呀
咁叻呀
梗系啦不孝有三無後為大
我要正正式式娶個偏房
你答應定唔答應
哈季常夫你講真呀抑或講假㗎
真珍珠都冇咁真
真係嘅
系
陳季常想我入你陳門
曾有三章約法
說道你娶婦歸堂之日
就係我下堂求去之時
你敢唔敢寫下休書一紙
共我斬斷恩情呀
嚇寫唔寫敢唔敢寫
寫咪寫唏
一紙休書容易寫
我怕你覆水難收都已斷情呀
咁衰
夫人不若你准我娶個琴操添雅興
哼我唔準呀
搗芳心平地起雷霆
蘭房一向奴當正
我要百年獨占枕邊情
寫休書來判定
斬斷情絲用管成
四寶文房來擺定
寫啦
寫咪寫你估我唔敢寫呀
胭脂虎嚇壞俏花榮
話出斷難成幻影
相爭難以說和平
寫休書顯盡男兒性
黑書白紙寫分明
寫啦寫啦嘛
寫咪寫囉
何須勒馬臨崖嶺
講得出做得到系男人大丈夫
講得出做唔到嘅系閨中牛馬咋
你唔敢寫就唔好寫啦
寫寫咪寫囉
不過要想休書內裡情

我諗下點樣寫呀
你估我唔敢寫呀
唏講乜野血氣男兒多烈性
寫啦寫啦嘛
呸斷難功敗在垂成
烈火燃眉心火盛
寫啦哎吔佢真係寫㖞
哎吔死囉
驚呀呢嗱
你個負心人呀
驚呀呢
一紙休書存在手
要你頂上烏紗喪前程
混帳
一別如同陌路人
此後相逢莫再將奴認呀

玉娥玉娥玉娥
你去邊呀
哈去邊關你咩事呀
我都未犯七出之條你就寫下休書
我去刑部府堂告你呀
你未犯七出之條
梗系啦
唔通我寫錯
錯就冇寫錯不過漏左啲野啫
漏咩嘢呀
漏左乜野一陣至話你知
我而家問你你可有兄弟呀
一共八個
子侄呢
子侄咪成群囉
冚唪唥都係囉呢啲
好等我將黃洲鄉例讀清楚比你聽啦
讀呀
黃洲鄉例立有七出之條
凡女子嫁夫夫無叔伯子侄
五年無所出者得立偏房
倘若拒夫立妾得而休之
你就係漏左冇叔伯子侄個句呀
嚇夫人咁我唔寫啦比番我啦
爛開呀你我唔算呀
已成陌路不容情告上府堂將罪定呀
因住嚟
夫人講下笑咋嘛哎吔死啦
比呀蘇東坡累死啦呢次真係唉
此回欲了心頭願
誰料木匠擔伽要受刑呀

(好多謝咁跟住落黎仲有嘢唱㗎啵唔好走住噃
嗱我哋比啲掌聲歡迎李凰小姐再次出場)
(多謝你多謝光哥)
(謝曉瑩)
(多謝哂)
(我哋仲要請所有嘅嘉賓一齊出嚟唱好嗎)
(請埋4位嘉賓出嚟)
(鐘麗蓉小姐曾慧小姐)
(曾慧小姐)
(鄧美玲小姐)
(李鳳小姐系我格離)
(仲有張美峰小姐請大家)
(仲有謝曉瑩小姐)
(多謝)
(咁多靚女我哋大家一齊唱呢只歌
跟住呢只歌系我尹光大作
我自己寫嘅系多謝你地買飛入嚟聽歌嘅
好唔該大樂隊)