情路這歹走

作詞：翁何文
作曲：翁何文

＊不免擱安慰我這不是走頭一趟
心情沒快活放阮慢慢的走
不覺得會孤單雖然沒你作伴
在你的眼睛裡已經看無阮的影

＃這情路那攏這歹走甘講這攏是天注定
按怎選擇攏不合一趟又一趟
這情路那攏這歹走甘講是注定要孤單
是不是一切攏放下累了累啦

Repeat ＊,＃,＃,＃

------------------------------------------

11132/《情路遮歹行》Tsîng-lōo Tsiah Pháinn-kiânn
方怡萍Png Î-phîng

毋免閣安慰我
m̄-bián koh an-uì guá
這毋是行頭一逝
tse m̄-sī kiânn thâu tsi̍t-tsuā
心情袂快活
sim-tsîng buē khuìnn-ua̍h
放阮慢慢仔行
pàng gún bān- bān-á kiânn

無感覺會孤單
bô kám-kak ē koo-tuann
雖然無你做伴
sui-jiân bô lí tsuè-phuānn
在你的目睭內
tsāi lí ê ba̍k-tsiu lāi
已經看無阮的影
í-king khuànn-bô gún ê iánn

這情路
tse tsîng-lōo
哪攏遮歹行
ná lóng tsiah pháinn-kiânn
敢講這攏是天注定
kám-kóng tse lóng-sī thinn tsù-tiānn
按怎選擇攏袂峇
án-tsuánn suán-ti̍k lóng buē-bā
一逝又一逝
tsi̍t-tsuā iū tsi̍t-tsuā

這情路
tse tsîng-lōo
哪攏遮歹行
ná lóng tsiah pháinn-kiânn
敢講是注定愛孤單
kám-kóng sī tsù-tiānn ài koo-tuann
是毋是一切攏放下
sī- m̄-sī it-tshè lóng hóng-hā
忝啦忝啦
thiám--lah thiám--lah