你有你講(渠有渠講)

電影“雞同鴨講”主題曲
作詞：許冠傑
作曲：許冠傑
編曲：周啟生
監製：梁榮駿

我個媽打跟我個花打好一對鷸蚌
分分鐘拗撬認真多嘢講
花打講緊美蘇日韓媽打講緊化粧
花打講股市媽打講抽脂肪

我個賓妹工人跟個馬姐三姑最佳拍檔
馬姐聽督督撐賓妹聽歌拉桑
馬姐炆豬腳加一羹白糖賓妹講No No You're wrong
一早起身兩個一中一英拗到上床認真好拍檔

你有你講佢有佢講兩個吱吱喳喳拗到面黃
嘥聲壞氣愈叫愈狂嗌到拆喉嚨就快乾
你有你講佢有佢講兩個嘰嘰呱呱口水奔放
始終都冇結論拗到天光
真係雞同鴨講(睬你都戇)
雞同鴨講(認真惡講)

交通差跟個Van 仔佬街邊辦案
Van 仔佬塊面似只苦瓜乾
畀畀面俾一次機會得啩交通差打起官腔
你超速兼超載衰梗上定堂

香港地分分鐘有雞同鴨講嘅狀況
先生講數學你我答吹波糖
David張係處扯緊鼻鼾Mary梁擠緊暗瘡
黑仔跟Mark少組織緊飛車黨間班房一檔檔

*你有你講佢有佢講個個吱吱喳喳拗到面黃
嘥聲壞氣愈叫愈狂嗌到拆喉嚨就快乾
你有你講佢有佢講個個嘰嘰呱呱口水奔放
始終都冇結論拗到天光
#真係雞同鴨講(睬你都戇)
雞同鴨講(認真惡講)#*

Repeat*#