金杯

གསེར་གྱི་ཁྲུང་རྐྱན།
གཞས་ཚིག ཚེ་རིང་བཀྲ་ཤིས།
དབྱངས། ཚེ་རིང་དོན་གྲུབ།
གཞས་པ། ཤེར་བསྟན། རྒྱ་བཟའ་ སྟག་ཐར་རྒྱལ།
དགའ་འཛོམས་གསེར་གྱི་ཁྲུང་རྐྱན།
བླ་མའི་ཕྱག་ལ་བྱོན་ཡོད།
ཞལ་གསུང་བདུད་རྩི་དྭངས་མོ །
གདུལ་བྱའི་ཁམས་ལ་གཏོར་ནས།
བོད་གངས་ཅན་དག་པའི་ཞིང་ལ།
གསེར་སེར་པོའི་སྨོན་ལམ་སྒྲོན་ཡོད།
ངའི་དྲིན་ཅན་རྩ་བའི་བླ་མ་།
ཡུལ་བདེ་ཆེན་ཞིང་ན་བཞུགས་ཡོད་།
སོ་ཡ་རེ་ལོ
གླུ ་སྙན་མོ་ངག་ན་ཡོད་རེད།
དར་སེར་པོ་ལག་ན་ཡོད་རེད།
སོ་ཡ་ལ
ངས་བླ་མ་ཁྱེད་ལ ་འབུལ།

དགའ་འཛོམས་གསེར་གྱི་ཁྲུང་རྐྱན།
དཔོན་པོའི་ཕྱག་ལ་འཁྲུངས་ཡོད་།
མཛའ་འཕྲིན་ཉི་མའི་སྣང་ བ།
སྒང་པ་བོད་ལ་བསུས་ནས།
ཡུལ་ཆོལ་གསུམ་ཁ་བའི་ལྗོངས་ལ།
སྐྱིད་འཚོ་བའི་འབྱོར་ཕྱུག་རྒྱས་ཡོད །
ངའི་དཔོན་པོ་བྱང་སེམས་ཅན་པོ།
འབངས་སྡེ་བའི་རྒྱན་ལ་བྱོན་ཡོད།
སོ་ཡ་རེ་ལོ།
གླུ ་སྙན་མོ་ངག་ན་ཡོད་རེད།
ཆང་བདུད་རྩི་ལག་ན་ཡོད་རེ།
སོ་ཡ་ལ།
ངས་དཔོན་པོ་ཁྱེད་ ལ་འབུལ།

དགའ་འཛོམས་གསེར་གྱི་ཁྲུང་རྐྱན།
ཕ་མའི་ཕྱག་ལ་བསྣམས་ཡོད།
བསླུ་མེད་བྱམས་སེམས་དཀར་ པོ།
གཅེས་པའི་བུ་ལ་གནང་ནས།
སྦྲ་སྨུག་པོའི་གཞིས་ཁྱིམ་དྲོན་མོར།
ལས་རླུང་རྟའི་ཁ་གཡང་སྒྲོན་ཡོད །
ངའི་དྲིན་ཆེན་ཕ་མ་རྣམས་གཉིས།
བུ་བུ་མོའི་དབུས་ན་རྒས་ཡོད།
སོ་ཡ་རེ་ལོ།
གླུ ་སྙན་མོ་ངག་ན་ཡོད་རེད།
དར་དཀར་པོ་ལག་ན་ཡོད་རེད།
སོ་ཡ་ལ།
ངས་ཕ་མ་ཁྱེད་ ལ་འབུལ།
སོ་ཡ་རེ་ལོ།
གླུ་སྙན་མོ་ངག་ན་ཡོད་རེད།
དར་དཀར་པོ་ལག་ན་ཡོད་རེད།
སོ་ཡ་ལ།
ངས་ཕ་མ་ཁྱེད་ལ་འབུལ།
སོ་ཡ་ལ།
ངས་ཕ་མ་ཁྱེད་ལ་འབུལ།