作詞：愁人
作曲：直木陽
你若是這呢愛哭隨著你盡情哭
但也是小時候時就要變笑容變笑容
你甲我雙人從此要離別啦今夜是最後啦
啊是霧笛悲悲吹離愁暗暝啦
你若是這呢愛去若無作陣來去
時常行出行入的一條港邊路港邊路
你甲我雙人從此要離別啦難忘的道路啦
啊是等候船要開要行的路啦
你若是這呢愛飲隨著你盡情飲
若醉時心內痛苦無定也會清也會清
你甲我雙人從此要離別啦這杯是若酒啦
啊將咱分做別人無情的酒啦
------------------------------------------------
《離別之夜》Lī -pia̍t tsi Iā
文夏Bûn Hā
你若是遮爾愛吼
lí nā-sī tsiah-nī ài háu
隨著你盡情吼
suî tio̍h lí tsīn-tsîng háu
但也是相辭後時
tān iā-sī sio-sî āu sî
就會變笑容
tsiū ē piàn tshiò -iông
變笑容
piàn tshiò-iông
你佮我雙人
lí kah guá siang-lâng
從此欲離別啦
tsiông-tshú beh lī-pia̍t--lah
今夜是最後啦
kim-iā sī tsuè-āu--lah
啊~是霧笛觱觱催
ah~ sī bū-ti̍k pi-pi tshui
離愁暗暝啦
lī-tshiû àm-mî--lah
你若是遮爾愛去
lí nā-sī tsiah-nī ài khì
若無做陣來去
nā -bô tsuè-tīn lâi-khì
時常行出行入的
sî-siông kiânn-tshut kiânn-ji̍p ê
這條港邊路
tsit tiâu káng-pinn lōo
港邊路
káng-pinn lōo
你佮我雙人
lí kah guá siang-lâng
從此欲離別啦
tsiông-tshú bueh lī-pia̍t--lah
難忘的道路啦
lân-bōng ê tō-lōo--lah
啊~是等候船欲開
ah~ sī tán-hāu tsûn bueh khui
欲行的路啦
bueh kiânn ê lōo--lah
你若是遮爾愛啉
lí nā-sī tsiah-nī ài lim
隨著你盡情啉
suî tio̍h lí tsīn-tsîng lim
若醉時心內痛苦
nā tsuì sî sim-lāi thòng-khóo
無定也會清
bô-tīng iā ē tshing
也會清
iā ē tshing
你佮我雙人
lí kah guá siang-lâng
從此欲離別啦
tsiông-tshú beh lī-pia̍t--lah
這杯是苦酒啦
tsit pue sī khóo- tsiú--lah
啊~將咱分做
ah~ tsiong lán hun-tsuè
別人無情的酒啦
pa̍t-lâng bô-tsîng ê tsiú--lah
離別之夜