དྲིན་ཕ་མ་ཟེར་བའི་ཉི་ཟླ་དེའི།།
དྲིན་འཇལ་རྒྱུ་ཟེར་ན་དཀའ་མོ་རེད།།
དེ་ཡིན་ཙང་དྲིན ་ལན་མ་བརྗེད་རོགས།།
ཚེ་བསྐལ་བ་དབྱར་གྱི་གནམ་ངོ་རེད།།
རང་འུ་ཚོ་རྒས་ཀྱང་མ་རྒས་རུང་། །
སེམས་དགའ་སྐྱོ་ཆགས་སྡང་བྱ་ས་ཡིན།།
ཁོང་རྒས་ནས་སེམས་རྒྱ་ཆུང་དུས་སུ།།
ཚིག་རྩུབ་མོས་ སེམས་པ་མི་གསོད་རོགས།།
ཆུང་བྱམས་པ་ཟེར་བའི་སྣང་བ་དེའི།།
སེམས་རྣམ་དག་ཡིན་རྒྱུ་དཀའ་མོ ་རེད།།
དེ་ཡིན་ཙང་ཚིག་འཇམ་འགྲོགས་བདེ་དེ།།
ཞེ་སྣང་བ་མཐུན་པས་མ་བརྗེད་རོགས།།
བློས་གཏོང་དགོས་བྱུང་བ་ཡོད་ན་ཡང་།།
བྲལ་དགོས་པའི་དགོས་པ་ཡོད་མ་ཡིན།།
ལོ་ཡོལ་ནས་ཕྱིར་དྲན ་མཇལ་དུས་སུ།།
མིག་མཆི་མ་བྱུང་གི་གཞི་མ་ཡིན།།
དྲིན་ཅན་མི་ལ་འཇོག་མེད་བསམ་པ་ དང་།།
ཞེ་མཐུན་མི་ལ་གཏམ་ངན་སྨྲ་བའི་ལས།།
ཡིད་མཐུན་གྲོགས་ལ་མཛུབ་ཀེར་འཕྱ་བ་སོགས།།
མི་རུང་བསམ་པ་མེད་པའི་སྨོན་ལམ་ཡང་ཡང་འདེབས།།
ནང་ན་ཟླ་ཟེར་བའི་དྲན་ཤིང་དེའི།།
ལས་སྐྱིད་སྡུག་མཉམ་རྒྱུ་དཀའ་མོ་རེད།།
དེ་ཡིན་ཙང་ཕྱི་ཐག་རིང་བར་གྱིས།།
རྫུན་གཡོ་སྒྱུས་ཁ་ལོ་ མི་བསྒྱུར་རོགས།།
འབྱོར་ཕྱུག་པོའི་ང་རྒྱལ་རྨོངས་པའི་སེམས།།
དེ་ཡོད་ཀྱང་ཆོག་ལ་མེད་ཀྱང་རུང་།།
མིའི་དར་རྒུད་ཟེར་བ་རེས་མོས་ཡིན།།
རྒོལ་ཚ་པོ་ཚ་པོ་མི་གཏོང་རོགས།།
དྲིན་ཅན་མི་ ལ་འཇོག་མེད་བསམ་པ་དང་།།
ཞེ་མཐུན་མི་ལ་གཏམ་ངན་སྨྲ་བའི་ལས།།
ཡིད་མཐུན་གྲོགས་ལ་མཛུབ་ཀུར ་འཕྱ་བ་སོགས།།
མི་རུང་བསམ་པ་མེད་པའི་སྨོན་ལམ་ཡང་ཡང་འདེབས།།
淚之源