作詞：李峻一
作曲：金培達
編曲：金培達
監製：金培達
(Rap)屯門阿飛老豆一早俾人做低
舉目無親屋企得番個盲眼阿婆
讀書唔多十o靚歲輟學做廚房
終極願望自己開間大排檔娶個靚老婆
但係廚房佬身水又身汗
邊有做大佬咁過癮咁風光
反正都係老牛分別系切雞定劈友
終於有日揀左第二願望轉行
(I'll Fly Away )我話過我唔會一世俾人睇死
(想翻身演一出好戲)腳踏實地拉利幾時先得起
(I'll Fly Away)盡地一鋪反正條爛命值錢唔過三毫四
(始終一天可找到轉機)
(Rap)小倩系大陸o黎到香港呢個拜金樂園
出身蘭州體操團而家變左賣肉求存
凌空一字馬日練又夜練今時今日總算有用武之處
佢揀旺角大床o黎代替奧運彈床
狹窄o既樓梯無數次上上落落上上落落再上上落落
幾時至可以衣錦還鄉
(I'll Fly Away)有人話職業係無分貴賤
(想翻身演一出好戲)但點解剩得我俾人指指點點
(I'll Fly Away)唔係D 男人要發洩邊有我做得咁cheap
(始終一天可找到轉機)
(Rap)有日阿飛搭上蘭州小倩
同病相憐從此打得火熱徹夜纏綿
小倩小倩愛上不良少年唔收佢錢不特止兼送埋個BB
阿飛誓神劈願照顧兩母子
決定揾多意一次快錢從此洗心革面
但係佢估唔到BB未見就俾人搞掂
未婚媽媽終於生BB
舉目無親確又真係生不逢時
心大心細應該挨生挨死揍大阿B
定係一走了之製造多一個孤兒
望見蘇哈佢鼻涕連連同個死鬼老豆實在有幾分相似
血肉相連終於抱走BB
理得橫風橫雨山崩地裂戰火連天
但如果有阿媽抱住蘇哈都會笑
蘇哈開始學行路一步兩步三步爬起身又跌倒
人生仲有好o既路
你條命生命生得唔好老豆正一短命種
但你有日終會成功因為你有個失敗之母
金銀滿屋當然係好
咪攪攪震我都好滿足
只要咪行我呢條路
臭甕唔係一定出臭草
你唔係臭草千祈唔好
臭甕唔係一定出臭草
你唔係臭草千祈唔好千祈唔好千祈唔好
(I'll Fly Away)有人話命運係無得選擇
(想翻身演一出好戲)定抑或條路由自己去揀
(I'll Fly Away)又或者做牛做馬做兵做賊都係咁艱難
(始終一天可找到轉機I'll Fly Away)
臭草