溫暖的冬日陽光 (2007)
溫暖的冬日陽光
詞、beat (我應該是sample了不知道什麼音樂加鼓加音色的吧, 忘了)：暴斯
part1
冬天，好正，天朗氣清
就係比較難以適應出邊天氣凍冰冰
lei係被竇，賴床睇住陽光曬入窗
都足夠我花一個上午時間，細心欣賞
但今日早晨，我起得特別早晨
用兩個鐘頭時間執靚曬成身jiao埋頭走人
回頭睇一睇有冇嘢漏低
手機、荷包、手錶ok，統統帶齊
嚟到廣場門口，你遲咗半個鐘頭
見到你咁得意嘅樣我又點樣會嬲
你叫我罰你，我罰你全日拖我隻手
你笑住打我一搥唔制，你自己拖到夠
涼涼哋嘅冬天顯得你塊面，更白
溫暖嘅陽光覆蓋頭髮更顯得出有光澤
深吸一口氣，愛上清爽嘅空氣
輕輕拖住你怕凍嘅手，無論行到邊都要帶住你
周圍去
CHORUS
溫暖嘅冬日陽光，曬係任何地方
舒服嘅感覺，令人更加清爽
有你陪我，無論任何天氣狀況
就算氣溫急降，你都係我嘅陽光
溫暖嘅冬日陽光，曬係任何地方
舒服嘅感覺，令人更加清爽
有你陪我，唔怕惡劣嘅天氣狀況
就算氣溫急降，你係我嘅陽光
part2
一陣好凍嘅風，吹到你打冷震
睇你咁弱小嘅身軀我好擔心你凍親
小心幫你箍緊，頸上嘅冷圍巾
你嚟我好近，我情不自禁將你攬緊
你著嘅衫都係簡約派風格
簡單得嚟卻唔平庸真係好難得
就好似冬天清晨嘅天空一樣簡單
簡單嘅美，先夠真切
同你拖手就好似最自然嘅動作
細緻嘅感覺好似爵士音樂，令我著迷
拖住你嘅手仔，完全唔願放開
希望，有幾耐，我就拖住你幾耐
你係我身邊令我愛上，呢個冬天
你係我嘅陽光空氣唔準離我太遠
冇得日日，見面但晚，晚都要飛短
傾電話，你唔cup機，我唔捨得收線
CHORUS
Hook
冬日陽光令人清爽
多得有你同我一齊
唔洗擔心任何嘅天氣狀況
有你，係我嘅陽光，U r my sunshine
part3
我哋初次見面嘅場面我仲好記得
果時啱放完暑假，我有DD曬黑
翻學搭巴士睇校服就知你係我同學
你係車上一路上都靜靜哋聽住音樂
終於遇上一個機會車上人，少少
我鼓起勇氣搭訕好彩冇嚇你一跳
依家諗起，我哋都覺得好笑
你話我做埋曬D咁嘅傻嘢真係鬼咁無聊
十分順利哋，我哋開始傾計
以後搭巴士嘅日子我都係坐你隔離位
故事發展十分之順理成章
情投意合嘅兩個傻瓜從此出入成雙一齊成長
CHORUS) * 2