一款米養百樣人

《一款米飼百樣人》Tsi̍t-khuán Bí Tshī Pah-iūnn Lâng
王瑞霞Ông Suī-hâ

仝款的一種米
kāng-khuán ê tsi̍t-tsióng bí
哪會飼出百樣人
ná ē tshī tshut pah-iūnn lâng
各人的命運
kok-lâng ê miā-ūn
攏總是無啥仝
lóng- tsóng sī bô siánn kāng
有的是看錢重
ū-ê sī khuànn tsînn tāng
虯儉閣甕凍
khiû-khiām koh àng-tàng
有的是燒酒天天茫
ū-ê sī sio-tsiú thian-thian bâng

咱人啊自出世
lán-lâng--ah tsū tshut-sì
雙手本空空空
siang-tshiú pún kha̋ng -khang-khang
日後若欲走
ji̍t-āu nā beh tsáu
也提袂走半項
iā the̍h buē tsáu puànn-hāng

人生日子
jîn-sing ji̍t-tsí
只有短短的數十冬
tsí-ū té-té ê sòo-tsa̍p tang
悲傷操煩是了戇工
pi-siong tshau-huân sī liáu gōng-kang
看開一切
khuànn-khui it-tshè
心頭放輕鬆
sim-thâu pàng khin-sang
毋通閣再想空想縫
m̄- thang koh-tsài siūnn-khang-siūnn-phāng