无字的眼泪

作词：吴蕙君
作曲：吴蕙君

天边留有咱的爱 海边看有咱的未来
如今你已经不在 这是什么世界
问天天说我憨 问地地说我呆
问你你说我不知 人哪会变这坏
免怨叹 免悲哀 无情的人我不要
你对我的伤害 永远放置我心内
我不是无人爱 因为你是我的最爱
憨憨的等待 流着无字的眼泪

------------------------------------------

《无字的目屎》Bô Jī ê Ba̍k-sái
吴蕙君Ngôo Huī-kun

天边留有咱的爱
thinn-pinn lâu ū lán ê ài
海边看有咱的未来
hái-pinn khuànn-ū lán ê bī-lâi
如今你已经不在
jû-kim lí í-king put-tsāi
这是啥物世界
tse sī siánn-mih sè-kài

问天天讲我戆
mn̄g thinn thinn kóng guá gōng
问地地讲我呆
mn̄g tē tē kóng guá tai
问你你讲我毋知
mn̄g lí lí kóng guá m̄-tsai
人哪会变遮歹
lâng ná ē piàn tsiah pháinn

免怨叹免悲哀
bián uàn-thàn bián pi-ai
无情的人我无爱
bô-tsîng ê lâng guá bô-ài
你对我的伤害
lí tuì guá ê siong-hāi
永远囥伫我心内
íng-uán khǹg tī guá sim-lāi

我毋是无人爱
guá m̄-sī bô-lâng ài
因为你是我的最爱
in-uī lí sī guá ê tsuè-ài
戆戆咧等待
gōng-gōng teh tán-thāi
流着无字的目屎
lâu tio̍h bô jī ê ba̍k-sái