男兒的條件

夜都市菸酒香味使人心迷醉
有勇氣堅定意志才袂軟落去(竄下去)
做男....兒有志氣不倘墬落去
靠自己打拼才是勇敢的男兒

雖然你誠心誠意對我表情意
阮不敢害你為著女性來失敗
做男....兒有志氣不倘心傷悲
應該著認真打拼才有好將來

一切的快樂美夢不倘再想起
無論是怎樣工苦也是忍落去
做男....兒有志氣不倘來失志
為前途為著將來打拼做生意

--------------------------------- ---------

《男兒的條件》Lâm-jî ê Tiâu-kiānn
方瑞娥Png Suī-ngôo

夜都市薰酒芳味
iā-too-tshī hun-tsiú phang-bī
使人心迷醉
sú lâng sim bê-tsuì
有勇氣堅定意志
ū ióng-khì kian-tīng ì-tsì
才袂軟落去
tsiah buē nńg--lo̍h-khì
做男兒有志氣
tsuè lâm-jî ū tsì-khì
毋通墜落去
m̄-thang tuī--lo̍h -khì
靠自己拍拼
khò tsū-kí phah-piànn
才是勇敢的男兒
tsiah-sī ióng-kám ê lâm-jî

雖然你誠心誠意
sui-jiân lí sîng-sim sîng-ì
對我表情意
tuì guá piáu tsîng-ì
阮毋敢害你
gún m̄-kánn hāi lí
為著女性來失敗
uī-tio̍h lú-sìng lâi sit-pāi
做男兒有志氣
tsuè lâm-jî ū tsì-khì
毋通心傷悲
m̄-thang sim siong-pi
應該著認真拍拼
ìng-kai tio̍h jīn-tsin phah-piànn
才有好將來
tsiah ū hó tsiong-lâi

一切的快樂美夢
it-tshè ê khuài-lo̍k bí-bāng
毋通再想起
m̄-thang tsài siūnn-khí
無論是怎樣艱苦
bô-lūn sī tuánn-iūnn kan-khóo
也是忍落去
iā-sī jím--lo̍h-khì
做男兒有志氣
tsuè lâm-jî ū tsì-khì
毋通來失志
m̄- thang lâi sit-tsì
為前途為著將來
uī tsiân-tôo uī-tio̍h tsiong-lâi
拍拼做生意
phah-piànn tsuè sing-lí