深山歌聲

1 滿山唱歌曲山墘吟歌聲伴著溪水聲
歡喜心肝輕鬆不定雙人散步妹妹辦親兄

2 風景自然美青春好花蕊照在溪仔水
看見深山白色茫霧白鷺成雙成對結相隨

3 來看天頂星真散有熱情風吹著樹木搖未停
表示在歡迎熱愛真情好光景祝福阮前程

4 來唱帶彈琴鳥只伴詩吟好光景無限的光明
溪水流未停夜鶯稱讚好山景唸歌祝光明

------------- -----------------------------

《深山歌聲》Tshim-san Kua-siann
紀露霞Kí Lōo-hâ

滿山唱歌曲
muá-suann tshiùnn kua-khiok
山墘吟歌聲
suann-kînn gîm kua-siann
伴著溪水聲
phuānn tio̍h khue-tsuí siann
歡喜心肝
huann-hí sim-kuann
輕鬆袂定
khin-sang buē-tiānn
雙人散步
siang-lâng sàn-pōo
妹妹伴親兄
muē-muē phuānn tshin-hiann

風景自然媠
hong-kíng tsū-jiân suí
青春好花蕊
tshing-tshun hó hue- luí
照在溪仔水
tsiò tsāi khue-á-tsuí
看見深山白色雺霧
khuànn-kìnn tshim-san pe̍h-sik bông-bū
白鷺成雙成對結相隨
pe̍h-lōo sîng-siang-sîng-tuì kiat siong-suî

來看天頂星
lâi khuànn thinn-tíng tshinn
深山有熱情
tshim -san ū jia̍t-tsîng
風吹著樹木搖袂停
hong tshue tio̍h tshiū-bo̍k iô buē thîng
表示咧歡迎熱愛真情
piáu-sī teh huan-gîng jia̍t-ài tsin -tsîng
好光景
hó kong-kíng
祝福阮前程
tsiok-hok gún tsiân-tîng

來唱帶彈琴
lâi tshiùnn tài tuânn-khîm
鳥只伴詩吟
tsiáu-tsiah phuānn si gîm
好光景無限的光明
hó kong-kíng bû-hān ê kong-bîng
溪水流袂停
khue- tsuí lâu buē thîng
夜鶯稱讚
iā-ing tshing-tsán
好山景
hó san-kíng
唸歌祝光明
liām-kua tsiok kong-bîng