神女悲歌

1 對鏡台心情空虛含淚吐恨氣迎接人客黃昏時滿口笑瞇瞇
虛情假愛為金錢忍耐歸半暝桌頂清香紅薔薇花謝落腳邊

2 為剩些胭脂水粉點著紅嘴唇想著將來想青春愈想心愈悶
誰人不愛表清純真情獻郎君窗外霜雪落紛紛叫阮怎樣忍

3 想欲哭擱在心內不敢流目屎想要怨恨為啥代原因總不知
運命由天來催排歸暝等人來無情冷風不應該加天阮悲哀

------- -----------------------------------

《神女悲歌》Sîn-lú Pi- kua
紀露霞Kí Lōo-hâ

對鏡台心情空虛
tuì kiànn-tâi sim-tsîng khang-hi
含淚吐恨氣
hâm-luī thòo hūn-khì
迎接人客黃昏時
gîng-tsiap lâng-kheh hông-hun sî
滿口笑微微
muá-kháu tshiò bî-bî
虛情假愛為金錢
hi -tsîng ké-ài uī kim-tsînn
忍耐規半暝
jím-nāi kui puànn-mî
桌頂清芳紅薔薇
toh-tíng tshing-phang âng tshiûnn-bî
花謝落跤邊
hue siā lo̍h kha-pinn

為剩寡胭脂水粉
uī sīng kuá ian-tsi tsuí-hún
點著紅喙唇
tiám tio̍h âng tshuì-tûn
想著將來想青春
siūnn-tio̍h tsiong-lâi siūnn tshing-tshun
愈想心愈悶
jú siūnn sim jú būn
啥人毋愛表清純
siánn-lâng m̄-ài piáu tshing-sûn
真情獻郎君
tsin-tsîng hiàn lông-kun
窗外霜雪落紛紛
thang-guā sng-seh lo̍h hun -hun
叫阮怎樣忍
kiò gún tsuánn-iūnn lún

想欲哭掛在心內
siūnn-beh khàu khuà tsāi sim-lāi
毋敢流目屎
m̄-kánn lâu ba̍k-sái
想欲怨恨為啥代
siūnn-beh uàn-hūn uī siánn tāi
原因總毋知
guân-in tsóng m̄-tsai
運命由天來推排
ūn-miā iû thinn lâi tshui-pâi
規暝等人來
kui-mî tán lâng lâi
無情冷風不應該
bô-tsîng líng-hong put ìng-kai
加添阮悲哀
ka-thiam gún pi-ai